سجل مجموعة من الصحافيين هاذ أصباح ملاحظة خايبة على مندوبية وزارة الإتصال فلعيون، لأنهم تقصاو من تغطية النشاط للي داز اليوم فقصر المؤتمرات و حضرو وزير الداخلية.
الصحافيين تفاجأو بعد وجود أسمائهم في اللائحة للي تقدمات للأمن و خا مكتوبة غير فورقة و بخط اليد، بحال إلى الوزارة معندهاش طاقم إداري ديالها…و لما استفسروا عن إقصائهم، قالو ليهم الناس للي عند ألباريير راه هاذ الشي للي عطاتنا مندوبية الاتصال…
و لكن الغريب في الأمر، أن صحافيين حضرو للنشاط و خا معندهوم البطاقة المهنية، في حين أتقصاو صحافيين و فجيوبهم البطاقة المهنية…راه إلى مشينا على هاذ المنوال و "باك صاحبي" راه مغاديش نقضو غراض…و من العيب و العار باش إتقصى طاقم اكبر و أشهر موقع فالصحراء… و مواقع ألكترونية أخرى جديدة على الساحة و فيها أطقم شابة و باغيا تخدم لبلاد، بعيدا عن النرجسية و الأنانية و نكران الذات…